Israel yaamuru kufungwa kwa siku 45 kwa ofisi ya Al Jazeera Ukingo wa Magharibi

 

Israel yaamuru kufungwa kwa siku 45 kwa ofisi ya Al Jazeera Ukingo wa Magharibi

th

Chanzo cha picha, AlJAZEERA

Vikosi vya Israel vimevamia ofisi za shirika la utangazaji la Al Jazeera huko Ramallah, katika Ukingo wa Magharibi unaokaliwa kwa mabavu na kuamuru kufungwa kwa muda wa siku 45.

Wanajeshi wa Israel wenye silaha na waliojifunika nyuso zao waliingia ndani ya jengo hilo mapema Jumapili wakati wa matangazo ya moja kwa moja.

Watazamaji walitazama wanajeshi wakitoa agizo la kufungwa kwa mkuu wa ofisi hiyo katika Ukingo wa Magharibi Walid al-Omari ambaye aliisoma moja kwa moja ujumbe huo hewani.

Israel ilivamia ofisi za Al Jazeera huko Nazareth na Jerusalem Mashariki inayokaliwa kwa mabavu mwezi Mei baada ya kulielezea shirika hilo la utangazaji lenye makao yake Qatar kuwa tishio kwa usalama wa taifa.

"Kulenga waandishi wa habari kwa njia hii kila mara kunalenga kufuta ukweli na kuzuia watu kusikia ukweli," Omari alisema katika maoni yaliyoripotiwa na mwajiri wake.

Wanajeshi hao walichukua maikrofoni na kamera ya mwisho nje ya barabara ya ofisi hizo na kumlazimisha Omari kutoka nje ya ofisi, mwandishi wa habari wa Al Jazeera Mohammad Alsaafin alisema.

Akichapisha kuhusu uvamizi huo kwenye mitandao ya kijamii, Alsaafin alisema wanajeshi hao pia waling'oa bango la Shireen Abu Aqla - ripota wa Al Jazeera ambaye aliuawa wakati akiripoti uvamizi wa vikosi vya Israel katika Ukingo wa Magharibi.

Aljazeera na mashuhuda wa wakati huo walisema mwandishi huyo wa habari Mpalestina mwenye uraia wa Marekani alipigwa risasi na wanajeshi wa Israel. Hapo awali Israel ilidai kuwa alipigwa risasi na Mpalestina, hata hivyo miezi kadhaa baadaye ilihitimisha kuwa kulikuwa na "uwezekano mkubwa" kwamba mmoja wa askari wake alimuua.

Comments

Post a Comment

Popular posts from this blog

Israel yazuia mikusanyiko kaskazini mwa nchi huku ikiendelea kushambulia Hezbollah

Image
  Israel yazuia mikusanyiko kaskazini mwa nchi huku ikiendelea kushambulia Hezbollah Chanzo cha picha, Reuters Israel imeanzisha mashambulizi ya anga nchini Lebanon na inazuia mikusanyiko katika mji wa Haifa na maeneo mengine ya kaskazini huku ikiendelea kushambulia maeneo yanayohusishwa na Hezbollah. Makumi ya ndege za kivita zilianza "kwa kiasi kikubwa" kushambulia kusini mwa Lebanon "kufuatia kugundulika kwa Hezbollah ikijiandaa kufyatua risasi kuelekea eneo la Israeli", msemaji wa Jeshi la Ulinzi la Israel (IDF) Daniel Hagari alisema. Mashambulizi ya hivi punde zaidi ya Israel yanakuja siku moja baada ya kufanya shambulio la anga huko Beirut, ambalo IDF ilisema liliua dazeni ya makamanda wakuu wa Hezbollah. Lebanon ilisema watu 37 - wakiwemo watoto watatu - waliuawa . Serikali ya Marekani inawataka raia wake huko kuondoka "kupitia chaguzi za usafiri wa kibiashara wakati bado zinapatikana". Siku ya Ijumaa, makabiliano ya mapigano mpakani ...
Read more

Mashambulizi ya Israel huko Lebanon yana athari gani?

Image
  Mashambulizi ya Israel huko Lebanon yana athari gani? Chanzo cha picha, EPA-EFE/REX/Shutterstock Saa 3 zilizopita Katika mitaa ya Beirut, mji mkuu wa Lebanon, watu wanatumia simu zao za mkononi na vifaa vingine kwa wasiwasi wakihofia shambulio jingine. Lakini kuna tisho kubwa linalojitokeza katika eneo hilo - uwezekano wa vita vya muda mrefu kati ya Israel na Hezbollah ya Lebanon, na Iran inayouwaunga mkono. Watu 37 waliuawa na wengine zaidi ya 2,600 kujeruhiwa baada ya maelfu ya vifaa vya mawasiliano vya pager kulipuka nchini Lebanon siku ya Jumanne, yakifuatiwa na mashambulio dhidi ya simu za upepo siku ya Jumatano, yote yakiwalenga wanachama wa Hezbollah. Israel inashutumiwa kuhusika na mashambulizi hayo, ingawa haijathibitisha hilo, na siku ya Jumatano, waziri wa ulinzi wa Israel Yoav Galant alitangaza "awamu mpya ya vita." Matangazo Haya ni yale yanayoweza kutokea nchini Lebanon: 1. Israel itaendelea na mashambulizi yake kwa matumaini ya kupata ushindi ...
Read more

Korea Kaskazini kupanua silaha za nyuklia

Image
 Korea Kaskazini kupanua silaha za nyuklia Kim Jong-un ametangaza mpango huo ili kuilinda vyema nchi dhidi ya uvamizi kutoka nje Korea Kaskazini kupanua silaha za nyuklia Kiongozi wa Korea Kaskazini Kim Jong-un akikagua msingi wa uzalishaji wa vifaa vya nyuklia vya kiwango cha juu cha silaha. © kcna.kp Kiongozi wa Korea Kaskazini Kim Jong-un ametangaza mipango ya "kwa kasi" kuongeza silaha za nyuklia za nchi hiyo. Wakati wa ziara ya Taasisi ya Silaha za Nyuklia na kituo cha uzalishaji wa vifaa vya nyuklia vya kiwango cha silaha, alisisitiza hali ya ulinzi ya juhudi za nchi. Pyongyang ilidai kuwa imefanikiwa kufanya majaribio ya mara ya kwanza ya kizuia nyuklia mnamo 2006. Kwa sasa, Korea Kaskazini inakadiriwa kuwa na takriban vichwa 50 vya nyuklia. Siku ya Ijumaa, Shirika la Habari la Kiserikali la Korea (KCNA) liliripoti kwamba Kim amefahamiana binafsi na mchakato wa uzalishaji katika kituo hicho cha nyuklia, na alikuwa ametembelea chumba cha udhibiti wa kituo cha kurutubish...
Read more